الإجابة المختصرة: عشان تعمل ايميل شركة باسم شركتك محتاج 3 حاجات: دومين باسم الشركة (زي company.com)، ومزود بريد زي Google Workspace أو Microsoft 365، وإعداد سجلات DNS اللي بتربط الاتنين ببعض. بعدها تقدر تفتح ايميل لكل موظف زي ahmed@company.com وعناوين عامة زي info وsales.
لي ه ايميل باسم الشركة مش Gmail عادي؟ العميل اللي بيستلم عرض سعر من company.sales@gmail.com بيشك أكتر من اللي بيستلمه من sales@company.com. الايميل الرسمي للشركات بيثبت إن الشركة حقيقية، وبيخلي الحسابات ملك الشركة مش ملك الموظف: لما حد يسيب الشغل، إيميلاته وعملاؤه بيفضلوا عندك.
الخطوة الأولى — احجز الدومين: لو مش عندك دومين، احجزه باسمك أو باسم شركتك أنت، مش باسم المبرمج. سعر .com عندنا 13$ أول سنة و14$ للتجديد، والدفع بالجنيه. ابدأ من تسجيل الدومين.
الخطوة التانية — اختار مزود البريد: Google Workspace مناسب لو فريقك متعود على Gmail وGoogle Drive، وMicrosoft 365 مناسب لو شغلكم على Outlook وWord وExcel. المقارنة الكاملة في Google Workspace أم Microsoft 365.
الخطوة التالتة — اعمل الحسابات: حدد أسماء الموظفين وصيغة موحدة (الاسم الأول أو الاسم.العيلة)، والعناوين العامة اللي محتاجها زي info وsales وsupport. العناوين العامة ممكن تبقى مجموعات بتوصل لأكتر من شخص بدل ما تدفع حساب كامل لكل واحدة.
الخطوة الرابعة — اربط الدومين بالبريد: هنا بيتضاف سجل MX للاستقبال، وSPF وDKIM وDMARC عشان رسايلك ما تروحش سبام. ده الجزء اللي بيغلط فيه أغلب الناس، والشرح الفني الكامل في إعداد DNS لإيميل الشركات.
الخطوة الخامسة — شغّله على الموبايل والكمبيوتر: نزّل تطبيق Gmail أو Outlook وادخل بالحساب الجديد، وجرّب ترسل وتستقبل من إيميل خارجي، واتأكد إن الرد بيوصل.
هل ينفع عمل ايميل باسم الشركة مجانا؟ في خدمات بتدي بريد مجاني محدود مع بعض الاستضافات، لكنها غ الباً بمساحة صغيرة وحماية أضعف من السبام، والرسايل بتقع في السبام أكتر. لو الإيميل هو اللي بتبعت بيه عروض الأسعار والفواتير، الاستثمار في مزود موثوق بيوفر عليك عملاء. التكلفة بتتحدد حسب عدد الحسابات والمساحة.
عايز حد يعملهولك من الأول للآخر؟ في نمرة تك بنحجز الدومين، ونفتح الحسابات، ونظبط كل السجلات، ونشغّل الإيميل على أجهزة فريقك. ابعت اسم شركتك وعدد الموظفين من صفحة إيميل الشركات.